LITANY IN TEMPORE PESTIS (LITANY IN TIME OF PLAGUE) TRADITIO Traditional Roman Catholic Internet Site E-mail: traditio@traditio.com, Web: http://www.traditio.com Last revised: 03/22/20 Kýrie, eléison. Christe, eléison. Kýrie, eléison. Christe, audi nos. Christe, exáudi nos. Pater de cælis, Deus, miserére nobis. Fili, Redémptor mundi, Deus, miserére nobis. Spíritus Sancte, Deus, miserére nobis. Sancta Trínitas, unus Deus, miserére nobis. Sancta María, ora pro nobis. Sancta Dei Génitrix, ora pro nobis. Sancta Virgo Vírginum, ora pro nobis. Sancte Míchaël, ora pro nobis. Sancte Gábriel, ora pro nobis. Sancte Raphaël, ora pro nobis. Omnes sancti Angeli et Archángeli, oráte pro nobis. Omnes sancti beatórum Spirítuum órdines, oráte pro nobis. Sancte Ioánnes Baptísta, ora pro nobis. Sancte Ioseph, ora pro nobis. Omnes sancti patriárchæ et prophétæ, oráte pro nobis. Sancte Petre, ora pro nobis. Sancte Paule, ora pro nobis. Sancte Andréa, ora pro nobis. Sancte Iácobe, ora pro nobis. Sancte Ioánnes, ora pro nobis. Sancte Thoma, ora pro nobis. Sancte Iácobe, ora pro nobis. Sancte Philíppe, ora pro nobis. Sancte Bartholomæe, ora pro nobis. Sancte Mátthæe, ora pro nobis. Sancte Simon, ora pro nobis. Sancte Thaddæe, ora pro nobis. Sancte Matthía, ora pro nobis. Sancte Bárnaba, ora pro nobis. Sancte Luca, ora pro nobis. Sancte Marce, ora pro nobis. Omnes sancti Apóstoli et Evangelístæ, oráte pro nobis. Omnes sancti Discípuli Dómini, oráte pro nobis. Omnes sancti Innocéntes, oráte pro nobis. Sancte Stéphane, ora pro nobis. Sancte Laurénti, ora pro nobis. Sancte Vincénti, ora pro nobis. Sancti Fabiáne et Sebastiáne, oráte pro nobis. Sancti Ioánnes et Paule, oráte pro nobis. Sancti Cosma et Damiáne, oráte pro nobis. Sancti Gervási et Protási, oráte pro nobis. Omnes sancti Mártyres oráte pro nobis. Sancte Silvéster, ora pro nobis. Sancte Gregóri, ora pro nobis. Sancte Ambrósi, ora pro nobis. Sancte Augustine, ora pro nobis. Sancte Hierónyme, ora pro nobis. Sancte Martine, ora pro nobis. Sancte Nicoláe, ora pro nobis. Omnes sancti Pontífices et Confessóres, orate pro nobis. Omnes sancti Doctóres, orate pro nobis. Sancte Antóni, ora pro nobis. Sancte Benedícte, ora pro nobis. Sancte Bernárde, ora pro nobis. Sancte Domínice, ora pro nobis. Sancte Francísce, ora pro nobis. Omnes sancti Sacerdótes et Levítæ, orate pro nobis. Omnes sancti Mónachi et Eremítæ, orate pro nobis. Sancta María Magdaléna, ora pro nobis. Sancta Agatha, ora pro nobis. Sancta Lúcia, ora pro nobis. Sancta Agnes, ora pro nobis. Sancta Cæcília, ora pro nobis. Sancta Catharína, ora pro nobis. Sancta Anastásia, ora pro nobis. Omnes sanctæ Vírgines et Víduæ, orate pro nobis. Omnes Sancti et Sanctæ Dei, intercedíte pro nobis. Propítius esto, parce nobis, Dómine. Propítius esto, exáudi nos, Dómine. Ab omni malo, líbera nos, Dómine. Ab omni peccáto, líbera nos, Dómine. Ab ira tua, líbera nos, Dómine. Ab subitánea et improvisa morte, líbera nos, Dómine. Ab insídiis diáboli, líbera nos, Dómine. Ab ira, et ódio, et omni mala voluntáte, líbera nos, Dómine. A spíritu fornicatiónis, líbera nos, Dómine. A fulgure et tempestáte, líbera nos, Dómine. A flagéllo terræmótus, líbera nos, Dómine. A peste, fame, et bello, líbera nos, Dómine. A peste, fame, et bello, líbera nos, Dómine. A morte perpétua, líbera nos, Dómine. Per mystérium sanctæ incarnatiónis tuæ, líbera nos, Dómine. Per advéntum tuum, líbera nos, Dómine. Per nativitátem tuam, líbera nos, Dómine. Per baptísmum et sanctum ieiúnium tuum, líbera nos, Dómine. Per crucem et passiónem tuam, líbera nos, Dómine. Per mortem et sepultúram tuam, líbera nos, Dómine. Per sanctam resurrectiónem tuam, líbera nos, Dómine. Per admirábilem ascensiónem tuam, líbera nos, Dómine. Per advéntum Spíritus Sancti Parácliti, líbera nos, Dómine. In die iudícii, líbera nos, Dómine. Peccatóres, te rogámus, audi nos. Ut nobis parcas, te rogámus, audi nos. Ut nobis indúlgeas, te rogámus, audi nos. Ut ad veram pœniténtiam nos perdúcere dignéris, te rogámus, audi nos. Ut Ecclésiam tuam sanctam régere et conserváre dignéris, te rogámus, audi nos. Ut domnum apostólicum et omnes ecclesiásticos órdines in sancta religióne conserváre dignéris, te rogámus, audi nos. Ut inimícos sanctæ Ecclésiæ humiliáre dignéris, te rogámus, audi nos. Ut régibus et princípibus christiánis pacem et veram concórdiam donáre dignéris, te rogámus, audi nos. Ut cuncto pópulo christiáno pacem et unitátem largíri dignéris, te rogámus, audi nos. Ut omnes errántes ad unitátem Ecclésiæ revocáre et infidéles univérsos ad Evangélii lumen perdúcere dignéris, te rogámus, audi nos. Ut nosmetípsos in tuo sancto servítio confortáre et conserváre dignéris, te rogámus, audi nos. Ut mentes nostras ad cæléstia desidéria érigas, te rogámus, audi nos. Ut ómnibus benefactóribus nostris sempitérna bona retríbuas, te rogámus, audi nos. Ut ánimas nostras, fratrum, propinquórum et benefactórum nostrórum ab ætérna damnatióne erípias, te rogámus, audi nos. Ut fructus terræ dare et conserváre dignéris, te rogámus, audi nos. Ut ómnibus fidélibus defúnctis réquiem ætérnam donáre dignéris, te rogámus, audi nos. Ut a pestiléntiæ flagéllo nos liberáre dignéris, te rogámus, audi nos. Ut a pestiléntiæ flagéllo nos liberáre dignéris, te rogámus, audi nos. Ut nos exaudíre dignéris, te rogámus, audi nos. Fili Dei, te rogámus, audi nos. Agnus Dei, qui tollis peccáta mundi, parce nobis, Dómine. Agnus Dei, qui tollis peccáta mundi, exáudi nos, Dómine. Agnus Dei, qui tollis peccáta mundi, miserére nobis. Christe, audi nos. Christe, exáudi nos. Kýrie, eléison. Christe, eléison. Kýrie, eléison. Pater noster… V. Et ne nos indúcas in tentatiónem. R. Sed líbera nos a malo. Psalmus 6 Dómine, ne in furóre tuo árguas me, * neque in ira tua corrípias me. Miserére mei, Dómine, quóniam infírmus sum : * sana me, Dómine, quóniam conturbáta sunt ossa mea. Et ánima mea turbáta est valde : * sed tu, Dómine, úsquequo ? Convértere, Dómine, et éripe ánimam meam : * salvum me fac propter misericórdiam tuam. Quóniam non est in morte qui memor sit tui : * in inférno autem quis confitébitur tibi. Laborávi in gémitu meo, lavábo per síngulas noctes lectum meum : * lácrimis meis stratum meum rigábo. Turbátus est a furóre óculus meus : * inveterávi inter omnes inimícos meos. Discédite a me, omnes, qui operámini iniquitátem : * quóniam exaudívit Dóminus vocem fletus mei. Exaudívit Dóminus deprecatiónem meam, * Dóminus oratiónem meam suscépit. Erubéscant, et conturbéntur veheménter omnes inimíci mei : * convertántur et erubéscant valde velóciter. Gloria Patri, et Fílio, * et Spirítui Sancto. Sicut erat in principio, et nunc et semper : * et in sæcula sæculórum. Amen. V. Dómine, non secúndum peccáta nostra fácias nobis. R. Neque secúndum iniquitátes nostras retríbuas nobis. V. Adjuva nos, Deus, salutáris noster. R. Et propter glóriam nóminis tui, Dómine, líbera nos. V. Dómine, ne memíneris iniquitátum nostrárum antiquárum. V. Cito antícipent nos misericórdiæ tuæ, quia páuperes facti sumus nimis. V. Ora pro nobis, sancte Sebastiáne. R. Ut digni efficiámur promissiónibus Christi. V. Dómine, exáudi oratiónem meam. R. Et clamor meus ad te véniat. (V. Dominus vobiscum.) (R. Et cum spiritu tuo.) Orémus. Exáudi nos, Deus, salutáris noster : et, intercedénte beáta et gloriósa Dei Genitríce María semper Vírgine, et béato Sebastiáno Mártyre tuo, et ómnibus Sanctis, pópulum tuum ab iracúndiæ tuæ terróribus líbera, et misericórdiæ tuæ fac largitáte secúrum. Propitiáre, Dómine, supplicatiónibus nostris : et animárum et córporum medére languóribus ; ut, remissióne percépta, in tua semper benedictióne lætémur. Da nobis, quæsumus, Dómine, piæ petitiónis efféctum : et pestiléntiam mortalitatémque propitiátus avérte; ut mortálium corda cognóscant, et te indignánte tália flagélla prodire, et te miseránte cessáre. Per Christum Dóminum nostrum. Amen.