AD BENEDICTIONEM AUGUSTISSIMI
ALTARIS SACRAMENTI

Finito Officio vel Precibus, dum Sacerdos in infimo Altaris gradu genuflectit, cantatur Hymnus Tantum ergo Sacramentum:

T antum ergo sacramentum
Veneremur cernui:
Et antiquum documentum
Novo cedat ritui:
Præstet fides supplementum
Sensuum defectui.

Genitori, Genitoque
Laus et jubilatio: 
Salus, honor, virtus quoque
Sit et benedictio:
Procedenti ab utroque
Compar sit laudatio. Amen.

Interim Sacerdos stans imponit incensum, et genuflexus incensat. Hymno finito cantatus:

V. Panem de cælo præstitisti eis (T.P. Alleluja)
R. Omne delectamentum in se habentem (T.P. Alleluja).

Deinde Sacerdos stans cantat: Oremus.

Deus qui nobis, sub sacramento mirabili passionis tuæ memoria reliquisti: + tribue quæsumus, ita nos corporis et sanguinis tui sacra mysteria venerari;* ut redemptionis tuæ fructum in nobis jugiter sentiamus. Qui vivis et regnas in sæcula sæculorum. R. Amen.

Benedictus Deus.
Benedictum nomen sanctum ejus.
Benedictus Jesus Christus verus Deus et verus homo.
Benedictum nomen Jesu.
Benedictum Cor ejus sacratissimum.
Benedictus Sanguis ejus pretiosissimus.
Benedictus Jesus in sanctissimo altaris Sacramento.
Benedicta magna materi Dei, Maria Sanctissima.
Benedicta sancta ejus et immaculata Conceptio.
Benedictum nomen Mariae, Virginis et Matris.
Benedictus sanctus Joseph, ejus castissimus Sponsus.
Benedictus Deus in Angelis suis, et in Sanctis suis.